КАРАНАВІРУСНАЯ ІНФЕКЦЫЯ – вострае інфекцыйнае віруснае захворванне, якое характарызуецца запаленнем дыхальных шляхоў, інтаксікацыяй

ЗАРАЖЭННЕ АДБЫВАЕЦЦА:

• паветрана-кропельным шляхам;
• кантактна-бытавым шляхам (пры трапленні віруса на слізістыя абалонкі вачэй, рота і носа).

МЕРЫ ПРАФІЛАКТЫКІ

• пазбягайце кантактаў з людзьмі з сімптомамі рэспіраторнай інфекцыі;
• устрымайцеся ад наведвання месцаў масавага збору людзей;
• выкарыстоўвайце сродкі абароны органаў дыхання (аднаразовыя медыцынскія маскі), калі кантактуеце з людзьмі з сімптомамі рэспіраторнай інфекцыі;
• мыйце рукі з выкарыстаннем мыла або антысептычных сродкаў на спіртавой аснове як мага часцей, у тым ліку пасля наведвання месцаў масавага збору людзей;
• не дакранайцеся да вачэй, рота і носа рукамі, калі яны не вымытыя ці не апрацаваны антысептыкам;
• спажывайце толькі тэрмічна апрацаваную ежу, бутыляваную або кіпячоную ваду

АСНОЎНЫЯ СІМПТОМЫ:

• павышэнне тэмпературы
• насмарк
• сухі кашаль і/або боль у горле
• пачуццё стомленасці
• галаўны боль
• можа быць вадкі стул

Калі вы прыбылі з краіны, у якой рэгістраваліся выпадкі інфекцыі, выкліканай каранавірусам 2019-nCoV, то пры з’яўленні сімптомаў захворвання неадкладна звяртайцеся па медыцынскую дапамогу, мінімізаваўшы кантакты з навакольнымі (выклікайце хуткую медыцынскую дапамогу і паведаміце дыспетчару, што вы наведвалі краіну, у якой рэгістраваліся выпадкі інфекцыі, выкліканай каранавірусам 2019-nCoV).