Рэкамендацыі па сацыяльным дыстанцыяванні ў перыяд рэгістрацыі выпадкаў інфекцыі COVID-19 (каранавіруснай інфекцыі)

Сацыяльнае дыстанцыяванне – комплекс немедыкаментозных санітарна-эпідэміялагічных мерапрыемстваў (дзеянняў), накіраваных на спыненне або запаволенне распаўсюджвання інфекцыйнага захворвання.

Мэта сацыяльнага дыстанцыявання – зніжэнне верагоднасці кантакту паміж інфікаванымі і неінфікаванымі людзьмі, каб паменшыць узровень перадачы інфекцыі.

Прынцып сацыяльнага дыстанцыявання – чалавек арганізуе сваё жыццё такім чынам, каб скараціць на ¾ кантакты за межамі дома і працы і на ¼ – на працы.

Калі людзі практыкуюць “сацыяльнае дыстанцыяванне”, пазбягаючы грамадскіх месцаў і ў прынцыпе абмяжоўваючы свае перамяшчэнні, распаўсюджванне інфекцыі запавольваецца, адбываецца стрымліванне выбуховага росту распаўсюджвання віруса.

Рэкамендацыі:

1. Не выходзьце з дому, калі ў гэтым няма асаблівай патрэбы (паездка на працу, куплянне прадуктаў харчавання і лекаў, атрыманне медыцынскіх і іншых жыццёва важных паслуг).
2. Не выходзьце з дому для наведвання тых месцаў, наведванне якіх не з’яўляецца жыццёва важным (бібліятэк, музеяў, кінатэатраў, тэатраў і іншых грамадскіх месцаў). Дзеці могуць выходзіць толькі з сям’ёй. Арганізуйце выгул хатніх жывёл у адзіночку.
3. Устрымайцеся ад наведвання заняткаў у гуртках, спартыўных клубах, трэнажорных залах, нават з мінімальнай колькасцю ўдзельнікаў. У выпадку, калі Вы працягваеце спартыўныя заняткі, пераканайцеся, што колькасць групы не перавышае 5 чалавек і падчас заняткаў вытрымліваецца адлегласць 1,5–2 м паміж людзьмі.
4. Кантактуйце з іншымі людзьмі дыстанцыйна з дапамогай сродкаў сувязі. Не варта хадзіць у госці і прымаць у сябе сяброў і членаў сям’і, якія не пражываюць з вамі.
5. Для скарачэння патрэбы выходзіць з дому можна выкарыстоўваць наступныя меры: аддаленая праца, відэазванкі і канферэнц-сувязь;
6. кожны працадаўца павінен сачыць за захаваннем дыстанцыі ў 1–1,5 метра паміж працоўнымі месцамі супрацоўнікаў, захаваннем правіл асабістай гігіены і гігіены навакольнага асяроддзя (памяшкання);
7. выбіраць паслугі дастаўкі – толькі да парога кватэры (дома, офіса);
8. зварот па стаматалагічную дапамогу рэкамендуецца адкласці, за выключэннем неадкладных выпадкаў.
9. Калі вы выходзіце з дому ў сітуацыях, калі гэта неабходна (гл.п. 1.), неабходна скараціць кантакты з іншымі людзьмі і захоўваць 1,5–2-метровую адлегласць адзін ад аднаго.
10. Рэкамендацыі для людзей з групы высокай рызыкі – асоб старэйшага і пажылога ўзросту, асоб з хранічнымі захворваннямі любога ўзросту (захворванні органаў дыхання, бранхіяльная астма, захворванні сардэчна-сасудзістай сістэмы, імуннай сістэмы, анкалагічныя захворванні). Вам пажадана наогул не выходзіць з дому, наколькі гэта магчыма. Не прымайце нікога ў сябе дома, за выключэннем неабходнасці атрымання жыццёва важных паслуг. Папрасіце родных і знаёмых дапамагчы Вам з забеспячэннем бытавых патрэб.
11. У выпадку неабходнасці атрымання медыцынскіх дапамогі, пажадана выкарыстоўваць дыстанцыйныя медыцынскія паслугі, без наведвання паліклінікі.
12. Калі вы старэйшыя за 60 гадоў і маеце патрэбу ў аглядзе медыцынскага работніка ў сувязі з пагаршэннем самаадчування, патэлефануйце ў рэгістратуру, стол даведак або кол-цэнтр установы аховы здароўя па месцы жыхарства, паведаміце пра гэта, пакіньце кантакты (прозвішча, імя, адрас, тэлефон), на працягу працоўнага дня з Вамі звяжацца медыцынскі работнік і ўзгодніць час для візіту на дом.
13. Калі вы маеце патрэбу ў выпісванні рэцэптаў на лекавыя сродкі для пастаяннага прыёму, раней прызначаныя ўрачом, патэлефануйце ў рэгістратуру, стол даведак або кол-цэнтр установы аховы здароўя па месцы жыхарства, пакіньце кантакты (прозвішча, імя, адрас, тэлефон), з Вамі звяжацца медыцынскі работнік, які арганізуе выпісванне і дастаўку рэцэптаў на дом.

З мэтай рэалізацыі пункта 9 дадатка 4 да загада Міністэрства аховы здароўя Рэспублікі Беларусь ад 16.03.2020 № 296 “Аб мерах па арганізацыі аказання медыцынскай дапамогі пацыентам з прыкметамі рэспіраторнай інфекцыі і прыняцця дадатковых супрацьэпідэмічных мер у арганізацыях аховы здароўя” рэкамендуем арганізаваць афармленне выпісак з медыцынскіх дакументаў па анлайн-заяўках на інтэрнэт-сайтах устаноў з наступнай выдачай іх пацыентам пры прад’яўленні дакумента, які сведчыць асобу, у асобна адведзеным месцы.

Пры з’яўленні сімптомаў рэспіраторнага захворвання (павышэнне тэмпературы цела, кашаль, дыхавіца, насмарк і г.д.) неабходна выконваць хатнюю самаізаляцыю, пазбягаючы кантактаў з членамі сям’і, выклікаць урача (а калі вы знаходзіліся на працягу 14 дзён да ўзнікнення сімптомаў за мяжой – выклікаць хуткую дапамогу).

Дадатковыя рэкамендацыі.

Пазбягайце фізічных кантактаў, уключаючы рукапацісканні і абдымкі.

Адчыняйце дзверы не далонню.

Паспрабуйце не дакранацца рукамі да твару.

Як мага часцей мыйце рукі.

Як мага часцей праветрывайце памяшканні.

Праводзьце дэзінфекцыю паверхняў, асабліва дзвярных ручак і паверхні дзвярэй.

Паспрабуйце не курыць цыгарэты, уключаючы электронныя або кальян.

Не карыстайцеся агульнымі сталовымі прыборамі, не ешце з адной талеркі і не перадавайце іншым ежу, якую Вы пакаштавалі або адкусілі.

Знаходзячыся дома, прытрымлівайцеся здаровага харчавання і фізічнай актыўнасці.

Правілы паводзін па-за домам.

У якіх выпадках можна выходзіць з дому:

Калі патрабуецца атрыманне тэрміновай медыцынскай дапамогі.

Неабходнасць наведвання месца працы.

Для набыцця тавараў першай неабходнасці ў выпадку немагчымасці іх дастаўкі кур’ерам або сваякамі (знаёмымі).

Для правядзення адзіночнай прагулкі.

Карыстацца ліфтам варта ў адзіночку.

Як паводзіць сябе пасля выхаду з дому:

На асабістым аўтамабілі – у салоне павінен знаходзіцца адзін чалавек ці члены сям’і, якія пражываюць у адным доме. Выключэнне – неабходнасць суправаджэння чалавека ў экстранай сітуацыі (дастаўка ў медыцынскую ўстанову для аказання неадкладнай дапамогі).

Пазбягаць грамадскага транспарту.

У грамадскіх месцах выконваць адлегласць 1–1,5 м ад іншых людзей.

Выконваць гігіену рук і рэспіраторны этыкет.

Як паводзіць сябе на працы:

Выконваць адлегласць 1–1,5 м паміж працоўнымі месцамі супрацоўнікаў.

Як мага часцей мыць рукі, апрацоўваць спіртазмяшчальным антысептыкам (гелем, сурвэткамі).

Старацца не дакранацца да носа і рота, мыць рукі перад і пасля такіх дакрананняў. Выкарыстоўваць, пры неабходнасці, аднаразовыя папяровыя насоўкі, ручнікі, сурвэткі.