Белая Русь

Аб арганізацыі

Першасная арганізацыя аўтатранспартнай дзяржаўнай установы “БЕЛТРАНССПЕЦАЎТА” Упраўлення справамі Прэзідэнта Рэспублікі Беларусь РГА “Белая Русь”

Мінск, вул. К. Лібкнехта, 54
Паштовы індэкс: 220004
тэл./факс: +375 17 270 28 23
E-mail: 7130831@mail.ru

Рэспубліканскае грамадскае аб’яднанне “Белая Русь”: http://belayarus.by

Председатель

Вырвіч Ілона Мікалаеўна

+375 17 270 28 23 +375 44 713 08 31

Гістарычная даведка

Рэспубліканскае грамадскае аб’яднанне “Белая Русь” вядзе адлік сваёй гісторыі ад 17 лістапада 2007 года. Менавіта ў гэты дзень адбылося пасяджэнне ўстаноўчага З’езда, на якім былі разгледжаны пытанні стварэння аб’яднання ў маштабе Рэспублікі і зацверджаны Статут.

12 снежня 2007 года Міністэрства юстыцыі Беларусі зарэгістравала Рэспубліканскае грамадскае аб’яднанне “Белая Русь”. Абласныя, раённыя і першасныя арганізацыі, якія існавалі да названых падзей, у адпаведнасці са Статутам і рашэннем устаноўчага з’езда сталі складовай часткай рэспубліканскага аб’яднання.

Першасная арганізацыя аўтатранспартнай дзяржаўнай установы “БЕЛТРАНССПЕЦАЎТА” Упраўлення справамі Прэзідэнта Рэспублікі Беларусь РГА “Белая Русь” пастаўлена на ўлік рашэннем Адміністрацыі Маскоўскага раёна г.Мінска ад 15.01.2008 №75.

Мэты і задачы РГА “Белая Русь”

Мэтай дзейнасці РГА “Белая Русь” з’яўляецца садзейнічанне аб’яднанню прагрэсіўных сіл грамадства, зацікаўленых у пабудове моцнай і квітнеючай Беларусі, сацыяльна справядлівага грамадства, заснаванага на патрыятычных і духоўна-маральных каштоўнасцях беларускага народа.

Задачамі РГА “Белая Русь” з’яўляюцца:

садзейнічанне ўдзелу грамадзян у рэалізацыі задач сацыяльна-эканамічнага развіцця краіны;

садзейнічанне фарміраванню моцнай, эфектыўнай, сацыяльнай дзяржавы, здольнай забяспечыць годны ўзровень жыцця грамадзян, гарантаваць абарону іх інтарэсаў;

удзел у фарміраванні ў Рэспубліцы Беларусь грамадзянскай супольнасці;

кансалідацыя грамадскіх сіл у мэтах рэалізацыі статутнай мэты;

асвета грамадзян і фарміраванне ў іх зацікаўленасці ў актыўным удзеле ў жыцці краіны, выхаванне патрыятызму як найважнейшай духоўнай і сацыяльнай каштоўнасці;

прыцягненне ўвагі дзяржаўных органаў, грамадскасці і сродкаў масавай інфармацыі да вырашэння актуальных праблем развіцця краіны і грамадства;

садзейнічанне развіццю міжнароднага супрацоўніцтва, усталяванню ўзаемадзеяння з грамадскімі аб’яднаннямі іншых дзяржаў.

Асноўныя напрамкі дзейнасці РГА “Белая Русь”

1. Дасягненне грамадскай згоды. Сёння, перад тварам новых задач, якія стаяць перад беларускім грамадствам, жыццёва важным з’яўляецца захаванне цэласнасці і адзінства беларускага народа. Мы будзем садзейнічаць дасягненню грамадскай згоды ў бачанні будучыні Беларусі, яе месца і ролі ў свеце, усталяванню агульнапрызнаных рамак барацьбы меркаванняў, фарміраванню актыўнай грамадскай пазіцыі ў кожнага грамадзяніна краіны.

2. Удзел у рэалізацыі сацыяльных праектаў. РГА “Белая Русь” будзе ініцыяваць і актыўна ўдзельнічаць у рэалізацыі сацыяльных праектаў, накіраваных на павышэнне якасці жыцця грамадзян, умацаванне здароўя нацыі, падтрымку сям’і, развіццё адукацыі і навукі.

3. Падтрымка моладзі. Рашэнне задач, якія стаяць перад сучаснай Беларуссю, патрабуе актыўнага ўдзелу ініцыятыўных, таленавітых маладых людзей з творчым мысленнем.

РГА “Белая Русь” гатова прапанаваць моладзі цікавыя праекты і новыя формы ўдзелу ў вырашэнні актуальных задач развіцця краіны. Мы будзем рабіць усё, каб стварыць спрыяльныя ўмовы для канструктыўнай самарэалізацыі моладзі.

4. Грамадзянскі кантроль. РГА “Белая Русь” імкнецца стаць канструктыўнай грамадскай сілай, якая аказвае пастаяннае садзейнічанне кіраўніцтву краіны па папярэджанні, выяўленні і пераадоленні недахопаў у рабоце органаў дзяржаўнага кіравання.

РГА “Белая Русь” будзе дабівацца стварэння інстытуту грамадскай экспертызы законапраектаў і законаў, спрыяць арганізацыі грамадскіх саветаў пры дзяржаўных органах кіравання, арганізоўваць грамадскія прыёмныя для разгляду прапаноў і заўваг грамадзян, дабівацца стварэння сістэмы інфармавання грамадзян аб дзейнасці органаў дзяржаўнай улады і службовых асоб.

Удзел у рабоце грамадскіх фарміраванняў:

каардынацыйнага савета грамадскіх аб’яднанняў;
каардынацыйнага савета ідэалагічнага актыву;
камісіі па справах непаўналетніх;
камісіі садзейнічання сям’і і школе;
камісіі па барацьбе з п’янствам і Савета прафілактыкі;
каардынацыйнага савета інтэрнатаў;
штаба добраахвотных дружын па ахове грамадскага парадку;
калегіяльнага органа тэрытарыяльнага грамадскага самакіравання.

Члены РГА “Белая Русь” уваходзяць у склад інфармацыйна-прапагандысцкіх груп.

Узаемадзеянне з дзяржаўнымі органамі, грамадскімі аб’яднаннямі і іншымі арганізацыямі па ўсіх напрамках дзейнасці:

раённай арганізацыяй ГА “Беларускі саюз жанчын”;
раённай арганізацыяй ГА “Беларускі фонд міру”;
РК ГА “БРСМ”;
раённай арганізацыяй БГА ветэранаў вайны, працы і Узброеных Сіл;
раённай арганізацыяй ГА “Беларускае таварыства інвалідаў”;
раённай арганізацыяй ГА “Асацыяцыя шматдзетных бацькоў”;
раённай арганізацыяй ГА “Беларускі саюз ветэранаў вайны ў Афганістане”;
раённай арганізацыяй БТ Чырвонага Крыжа;
раённай арганізацый рэспубліканскай асацыяцыі бацькоў дзяцей-інвалідаў;
ДУ “Тэрытарыяльны цэнтр сацыяльнага абслугоўвання насельніцтва Маскоўскага раёна г. Мінска”;
з аддзеламі і службамі адміністрацыі Маскоўскага раёна г. Мінска.

0 02 05 84537b9cae6309f6dd6d4d9658862fdded6a15196baa4b3f03074f891c7cea08

Нарматыўныя дакументы

Як уступіць у РГА “Белая Русь”

Калі вы падзяляеце Праграму РГА “Белая Русь” і прызнаяце Статут, неабыякавы да лёсу нашай Радзімы і жадаеце прымаць актыўны ўдзел у грамадскім жыцці краіны – вы можаце стаць сябрам “Белай Русі”

Важна: Членамі РГА “Белая Русь” могуць быць дзеяздольныя грамадзяне Рэспублікі Беларусь, а таксама замежныя грамадзяне або асобы без грамадзянства, якія дасягнулі 18-гадовага ўзросту.

Каб уступіць у РГА “Белая Русь”, неабходна

Крок 1. Звярнуцца ў першасную арганізацыю па месцы працы або, пры адсутнасці першаснай арганізацыі па месцы працы, у першасную арганізацыю, створаную пры тэрытарыяльнай (раённай (гарадской)) арганізацыі па месцы Вашай працы або Вашага пераважнага пражывання.

Крок 2. Напісаць заяву аб прыёме ў РГА “Белая Русь”.

Крок 3. Атрымаць дзве рэкамендацыі членаў аб’яднання.

Двое членаў “Белай Русі”, якія да моманту падачы вамі заявы ўжо ведаюць вас як актывіста, патрыёта, які ўсведамляе адказнасць перад краінай, на заяве ў раздзеле “рэкамендацыі” ставяць свае подпісы і расшыфроўваюць іх.

Крок 4. Падаць заяву на разгляд Агульнага сходу першаснай арганізацыі або, пры колькасці першаснай арганізацыі больш за 50 чалавек, Савета першаснай арганізацыі.

Крок 5. На Агульным сходзе (пасяджэнні Савета) першаснай арганізацыі адбываецца галасаванне па Вашай кандыдатуры. Пасля гэтага вы становіцеся членам аўтарытэтнага, найбуйнейшага ў Рэспубліцы грамадскага аб’яднання “Белая Русь”.

Крок 6. Членскі білет уручаецца пасля афармлення і рэгістрацыі вашых уліковых дакументаў у раённай (гарадской) арганізацыі. Часта гэта адбываецца ва ўрачыстай абстаноўцы, на масавых мерапрыемствах, якія праводзяцца РГА “Белая Русь”.

Палажэнне аб сцягу Рэспубліканскага грамадскага аб’яднання “Белая Русь”

Інструкцыя аб парадку атрымання, уліку, захоўвання і запаўнення білета члена РГА “Белая Русь”

Інструкцыя аб парадку атрымання, уліку, захоўвання і запаўнення ўліковых картак членаў РГА “Белая Русь”

Інструкцыя аб прыёме ў члены РГА “Белая Русь”, парадку ўліку і выхаду з РГА “Белая Русь”.

Інструкцыя аб выплаце членскіх узносаў у РГА “Белая Русь”