ПРАВІЛЫ ПАВОДЗІН ГРАМАДЗЯН, ЯКІЯ ЗНАХОДЗЯЦЦА НА САМАІЗАЛЯЦЫІ ДОМА

Рэжым самаізаляцыі неабходна выконваць для ўласнай бяспекі і бяспекі навакольных людзей на працягу 14 дзён.

Рэжым самаізаляцыі рэкамендаваны для:

• грамадзян, якія прыбылі на тэрыторыю Рэспублікі Беларусь на працягу апошніх 14 дзён, з эпідэмічна небяспечнай краіны па інфекцыі, выкліканай вірусам SARS/CoV-2019 (інфекцыі COVID-19);
• грамадзян, якія знаходзіліся ў верагодным (нядоўгім, непрацяглым) кантакце з пацыентам з каранавіруснай інфекцыяй

У выпадку самаізаляцыі на даму Вам неабходна:

• заставацца дома на працягу 14 дзён. Не варта наведваць месца працы/вучобы, а таксама месцы масавага знаходжання людзей (магазіны, кафэ, гандлёвыя цэнтры і іншыя);
• максімальна абмежаваць любыя кантакты, уключаючы членаў сям’і, якія пражываюць з Вамі ў адной кватэры:
• размясціцца ў асобным пакоі, у выпадку адсутнасці асобнага пакоя – забяспечыць адлегласць не менш за 1,5 м ад іншых членаў сям’і;
• мінімізаваць кантакты з пажылымі людзьмі (60 гадоў і старэй), асобамі з хранічнымі захворваннямі сэрца, лёгкіх, цукровым дыябетам і інш.
• У выпадку крайняй неабходнасці кантакту з вышэйазначанымі асобамі Вам неабходна выкарыстоўваць медыцынскую маску;
• мыць рукі з мылам старанна і не менш за 20 секунд, не забываючы пра вобласці паміж пальцамі, вакол пазногцяў, кутыкулы і вялікага пальца. Можна выкарыстоўваць антысептык для апрацоўкі рук.
• як мага часцей праветрываць памяшканне, дзе вы знаходзіцеся, праводзіць вільготную ўборку ў памяшканні, надаючы асаблівую ўвагу апрацоўцы дзвярных ручак, прадметаў мэблі, тэлефонных апаратаў, пультаў кіравання, камп’ютарных клавіятур, мышак і іншых гаджэтаў, санітарна-тэхнічнага абсталявання і іншых прадметаў.
• выкарыстоўваць аднаразовыя насоўкі або сурвэткі з наступнай утылізацыяй у закрыты смеццевы кантэйнер або пластыкавы пакет.
• Пры наяўнасці крайняй неабходнасці выхаду з кватэры (наведванне прадуктовага магазіна або аптэкі, выдаленне смецця) – выкарыстоўвайце медыцынскую маску.

Калі Вы ў кватэры не адзін:

у Вас павінны быць асобныя ручнікі, асобная пасцельная бялізна, асобны посуд;

• пры неабходнасці перадачы прадметаў (посуду, адзення і да т. п.) членам сям’і, выключыце непасрэдны кантакт;
• мыццё бялізны ажыццяўляйце асобна ад іншых членаў сям’і;
• пры перамяшчэнні па кватэры выкарыстоўвайце медыцынскую маску, дакранайцеся да паверхняў (дзвярных ручак, механізмаў санітарна-тэхнічнага абсталявання і іншых) з выкарыстаннем аднаразовай сурвэткі.

ВАЖНА!

Пры выкарыстанні медыцынскіх масак (аднаразовых) неабходна выконваць наступныя правілы:

1. Апрацаваць рукі спіртазмяшчальным сродкам або вымыць з мылам.
2. Утрымліваючы маску за завязкі або гумкі ўшчыльную паднесці да твару белым бокам унутр і фіксаваць завязкамі (гумкамі) у становішчы, калі цалкам прыкрыта ніжняя частка твару – і рот, і нос.
3. У канцы надаць патрэбную форму гнуткай палосцы (насавога заціску), забяспечваючы шчыльнае прыляганне маскі да твару.
4. Зняць выраб, утрымліваючы за завязкі (гумку) ззаду, не датыкаючыся да пярэдняй часткі маскі.
5. Выкінуць знятую маску ў зачыняльны кантэйнер для адходаў.
6. Вымыць рукі з мылам або апрацаваць спіртазмяшчальным сродкам.
7. Пры неабходнасці надзець новую маску, выконваючы этапы 1–3.

ВАЖНА!

• Выкарыстоўваць маску варта не больш за дзве гадзіны.
• Неадкладна замяніць маску ў выпадку яе намакання (увільгатнення), нават калі прайшло менш за дзве гадзіны з моманту выкарыстання.
• Не дакранацца рукамі да замацаванай маскі.
• Старанна вымыць рукі з мылам або апрацаваць спіртазмяшчальным сродкам пасля дотыку да маскі, якая выкарыстоўваецца або выкарыстана.
• Аднаразовыя маскі нельга выкарыстоўваць паўторна.
• Шматразовую маску неабходна сціраць асобна, пасля мыцця прапрасаваць гарачым прасам з двух бакоў.

Калі з Вамі на працягу першых сутак з моманту прыбыцця не звязаўся медыцынскі работнік тэрытарыяльнай арганізацыі аховы здароўя, патэлефануйце самастойна ў паліклініку па месцы жыхарства (часовага знаходжання).